深圳必飲連鎖手搖！

上次同大家介紹咗茉莉奶白！今次就同大家介紹另一間返到深圳必飲嘅手搖-奈雪的茶！ 基本上深圳周圍都係佢哋嘅分店🤣所以去到邊都會飲到佢哋嘅嘢飲！而落單都非常方便！大家用微信入面嘅小程序落單就得架喇！仲可以係過關嘅時候提早嗌定！咁一去到就有得飲啦😆 基本上我每一次都係嗌佢哋嘅霸氣芒果同埋霸氣楊枝甘露！ 霸氣芒果係沙冰做底😆而且芒果味好香濃！入面仲入到一粒粒嘅芒果肉！！ 而另外嘅霸氣楊枝甘露一樣好好飲！除咗飲到芒果肉之外仲會飲到一粒粒嘅西柚肉！好似平時食嘅楊枝甘露甜品咁🤣 另外佢仲有霸氣香提都好值得一試架！入面嘅提子肉一樣好豐富😆😆 大家返深圳玩都一定要試吓奈雪！真係又方便又好飲架！ #深圳美食#深圳攻略#深圳打卡#深圳探店#奈雪的茶#霸氣芒果#霸氣楊枝甘露#奈雪#深圳#社群時間囊#攻略#飲品#手搖#深圳手搖#必飲#深圳必飲